Ubusambanyi bw’uwahoze ari umukunzi wa Diamond Platnumz bwateye nyirakuru kwiyahura

Wema Sepetu yabaye miss wa Tanzaniya 2006 amenyekana cyane ubwo yakundanaga n’umuhanzi Diamond nyuma baza gutandukana, kuri ubu amashusho ye yagiye hanze asambana n’umunyamideli Kalisah yatumye nyirakuru w’uyu musore yiyahura.

Kalisah wamenyekanye mu kumurika imideli mu gihugu cya Tanzaniya umubano we na Wema Sepetu watangiye gukaza umurego ubwo Wema Sepetu byavugwaga ko yashwanye na Sultan Iddriss gusa ibyabo biguma bisa nk’aho ari ibanga.

Icyaje kuba kidobya ni amashusho yagaragaye aba bombi bari mu buriri ndetse banasomana ari nabyo bamwe bashingiyeho bemeza iby’ubu busambanyi, Ibi ni nabyo byaje gutuma nyirakuru wa Kalisah yiyahura kubera ukuntu yizeraga umwuzukuru we kandi anamukunda ananirwa kubyihanganira, Kalisah yatangaje ko atazi umuntu washyize aya mashusho hanze gusa akaba akeka ko ari Wema Sepetu.

Wema Sepetu si ubwa mbere avuzweho ubusambanyi kuko amaze kumenyerwaho iyi mico itari myiza abenshi bemeza ko itagakwiye kuranga umukobwa wigeze guhagararira abandi nka miss.