Rutahizamu wa APR FC, Nshuti Innocent wamaze kwerekeza muri Leta Zunze Ubumwe za Amerika yavuze umukino wamushimishije muri APR FC ndetse no mu ikipe y’igihugu Amavubi – VIDEWO

Rutahizamu wa APR FC, Nshuti Innocent yamaze gufata indege yerekeza muri Leta Zunze Ubumwe za Amerika.

Agiye gusinyira Ikipe nshya yo mu Cyiciro cya gatatu ya One Knoxville, nyuma yo gutsinda igerageza yakoze mu Ukuboza 2023.

Mbere y’uko afata rutemikirere, Nshuti Innocent yavuze ko ubwo yari muri APR FC umukino wamushimishije ari uwo yatsinzemo Rayon Sports igitego tariki 15 Gicurasi 2023 mu gihe mu ikipe y’igihugu yashimishijwe n’umukino yatsinzemo igitego bakinnye na Afurika y’Epfo kuri Stade ya Huye.