Uwihirwe
RIP Ndizeye Ernest: umwana muto cyane yarohamye mu kiyaga
Mu karere ka Nyamasheke umwana w’umuhungu witwa Ndizeye Ernest uri mu kigero k’imyaka 13 yarohamye mu kiyaga aburirwa irengero kugeza n’ubu aracyashakishwa.
Byabaye kuri uyu wa Gatandatu ku isaha ya saa munani tariki ya 21 Ukwakira 2023, bibera ku cyambu cya Kirambo mu Mudugudu wa Kabuga, Akagari ka Kibogora, Umurenge wa kanjongo.
Ubuyobozi bwo muri ako gace bwatangaje ko uyu mwana yazize kuba yagiye mu kiyaga atazi koga neza bigatuma arohama. Umuyobozi kandi arashishikariza ababyeyi gukumira abana babo kuba bajya mu kiyaga batazi koga cyangwa ngo bagemo batambaye amajiri yabugenewe.
Kugeza ubu ku bufatanye na baturage ndetse na DASSO umwana aracyashakishwa.
