THIERRY Mugiraneza
Umupira Diego Maradona yatsindishije ikiganza mu mikino y’igikombe cy’Isi cyabereye muri Mexice mu 1986 ubwo Argentina yakinaga n’u Bwongereza, wagurishijwe asaga miliyona 4 z’amadorari nyuma y’imyaka 36 ubitswe n’umusifuzi.
Ali Bin Nasser ukomoka muri Tunisia, ni we wari umusifuzi wo hagati mu mukino wa ¼ cy’irangiza ubwo u Bwongereza bwakinaga na Arigentina mu mikino Mexice yari yakiriye.
Ku munota wa 51 uyu musifuzi yaje gutakaza umuvuduko w’umukino ku mupira wasanze Maradona uturutse mu kibuga hagati, nawe awukurikira ashaka kuwutanga Peter Shilton wari umuzamu w’u Bwongereza icyo gihe, ariko Maradona asimbutse akozaho akaboko umupira uruhukira mu izamu umusifuzi ntiyamenya uko byagenze.
Nyuma y’iki gitego havutse imvururu zitagize icyo zitanga kuko igitego cyagumye kwemerwa n’ubwo Abongereza bakomeje gutaka bavuga ko umupira Maradona yawutsindishije akaboko.
Nyuma y’uyu mukino, Ali Bin Nasser yatahanye uyu mupira arawubika kugera aho ejobundi yahisemo kuwushyira ku isoko.
Ali watekerezaga ko ari cyo gihe ngo uyu mupira awushyikirize Isi, akimara kuwushyira hanze, wahise ugurishwa muri Graham Budd Actions amafaranga agera kuri miliyoni 2 n’igice z’amadorari.
