Napoli yikoreje Juventus akeso k’ipfunwe

Ikipe ya Napoli yaraye yandagaje bikomeye ikipe ya Juventus ubwo yayitsindaga umuba w’ibitego bitanu kuri kimwe.
Uyu mukino wabaye mu ijoro ryakeye ubera kuri Diego Armando Maradona Stadium ikibuga ikipe ya Napoli yakiriraho Imikino yayo, wari umukino w’umunsi wa 18 wa SerieA.

Umukino wagiye gutangira amakipe yombi ahagaze neza dore ko Juventus yarimaze Imikino 8 itsinda ndetse itaninjizwa igitego mu izamu ryayo, mu gihe Napoli nayo uyu mwaka ari uwayo kuko ubu muri Championa yatsinzwe umukino umwe gusa.
Nubwo amakipe yombi yarahagaze neza mbere y’umukino ivi ntibyakanze Napoli kuko yaje kunyabika Juventus ibitego bitanu kuri kimwe, ibitego bya Napoli byatsinzwe na Victor Osimhen wafunguye amazamu ku munota wa 14 , Khvicha Kvaratskhelia atsinda icya kabiri ku munota wa 39 ahawe umupira na Victor Osimhen. Juventus nayo ibona igitego kimwe ku munota wa 42 gitsinzwe na Angel Di Maria ahawe umupira na Milk.

Igice cya mbere kirangira ari ibitego bibiri kuri kimwe.
Igice cya kabiri Napoli yagarukanye umujinya mwishi kuko yatsinzemo ibitego bitatu harimo icyatsinzwe na Amir Rrahmani ku munota wa 55 ahawe umupira na Khvicha Kvaratskhelia mu gihe Eljifelmas yashyizemo agashinguracumu ku munota wa 72 ahawe umupira na Lorenzo.
Napoli yashoje umukino itsinda ndetse biyigumisha ku mwanya wa mbere muri SerieA n’amanota 47 mu gihe irusha amanota 10 Juventus ya gatatu.