HARAGIRIMANA Dieudonne
Mu Karere ka Kicukiro, mu mujyi wa Kigali haravugwa inkuru ibabaje y’umugabo wishe umugore we amuhora amafaranga ibihumbi 500.Urwego rw’Igihugu rw’Ubugenzacyaha, RIB, rukaba rwataye muri yombi uyu mugabo witwa Kanyamibare Bizimungu ukekwaho kwica uwari umugore we, Murebe Evelyne, aba bombi bakaba bari abazunguzayi, aho bari bafitanye umwana w’imyaka ine.
Amakuru avuga ko aba bombi bari bafite umugambi wo kuzagura isambu mu bwizigame bari bafitanye bugera ku bihumbi 500 Frw, aho bari bafite umushinga muremure wo kwiyubakira inzu yo guturamo.
Nyuma baje kugirana ubwumvikane bucye, bituma Murebe agenda ariko ajyana na bwa bwizigame, ibi birakaza cyane Kanyamibare ari nabwo yafataga umugambi wo kumwica, nk’uko yabyivugiye mu ibazwa. Kuri ubu uyu mugabo afungiye kuri sitasiyo ya RIB ya Nyarugunga mu gihe iperereza rigikomeje kugira ngo hakorwe dosiye ishyikirizwe ubushinjacyaha.
Src :igihe
