Hamenyekanye akayabo Junior Multisystem akeneye ngo yivurize mu Buhinde

Nyuma y’aho Karamuka Jean Luc uzwi nka Junior Multisystem akoze impanuka agacibwa ukuboko byatumye akomeza kugira ububabare cyane , kuri ubu arasaba inkunga yo kujya kwivuza mu Buhinde .

Mu 2019 nibwo Junior Multisystem yagonzwe na n’imodoka itaramenyekanye bimuviramo gucibwa akaboko.

Nyuma yo kuvuga mu bitaro yakomeje ubuzima busanzwe azi ko yakize ariko nyuma muri ka kaboko baciye hazamo ikibyimba ndetse arushaho kuremba.

Ubu burwayi bwatumye atakaza ibiro byinshi cyane, ubushobozi bwe bwarashize bitewe n’amafaranga akoresha yivuza mu Rwanda kandi adakora.

Junior Multisystem avuga ko uburwayi bwe bushobora gukira ariko bisaba ko ajya kwivuriza mu Buhinde aho akeneye byibuze miliyoni 60 z’amafaranga y’u Rwanda ($60,000).

Ukeneye kumuvugisha yamubonera ku murongo wa telefone ngendanwa ari yo +250782118202, cyangwa se agahamagara mugenzi we Rugamba Yverry kuri +250781078985.