Dr
Ntabwo ari ubwambere wumvishe ko umutoza wa Manchetser City,Pep Guardiola  atumvikana n’abakinnyi b’abanyafrika.Ibi ababivuga babihera ku ngero z’abakinnyi b’abanyafrica  bagiye bashwana nawe nka Yaya Toure  na  samuel eto’o..n’abandi.
Kuri ubu Yaya Toure yicaye ku gatebe ka Manchester City atari uko afite imvune cyangwa ashaje ahubwo bitewe n’ubwumvikane bucye bwaje hagati ye na Pep ,kuva uyu mutoza ageze muri iyi ikipe.
Ibi rero bitandukanye cyane n’imiterere y’umutoza w’ikipe ya Arsenal ,Arsene Wenger uvuga ko aho ageze ubu ,abakinnyi b’abanyafrica ngo babigizemo uruhare ruremereye.
Wenger aganira na Arsenal.com  ntabwo yigeze  arya iminwa igihe yarabajijwe imibanire ye n’abakinnyi bakomoka ku mugabane wa Africa,ahubwo yatoboye aravuga yemeza neza ko mu myaka 20 amaze atoza nta na rimwe abakinnyi b’abanyafrica bamutereranye ngo ahubwo abakesha kuba ari umwe mu batoza bakomeye.
Wenger ati” kuva ngitoza mu Bufaransa,muri Monaco  nagiye mbabonana ubushake no guhatana bidasanzwe,bakina bataka kugeza ku munota wa nyuma,baraseka kandi ntibacika intege ,baramfashije mu mwuga wanjye wose w’ubutoza”
Ibi arabivuga nyuma yuko umukinnyi Alex Iwobi ,ukomoka muri Nigeria amaze kugaragaza impinduka zikomeye mu ikipe ya Arsenal ndetse ubu ari mu bakinnyi Arsenal igenderaho mu kibuga
Mbere yuko Alex Iwobi  agera muri Arsenal  hanyuze abakinnyi nka  Nwankwo Kanu na  Kolo Toure…n’abandi aba kandi ngo bose banyuze umutoza Wenger.
