THIERRY Mugiraneza
Al Nassr ikinamo Cristiano Ronaldo yakubiswe na Al-Ittihad ibitego bitatu kuri kimwe mu mukino wa ½ mu gikombe kiruta ikindi cya Arabia Saudite.
Al-Ittihad yari yakiriye umukino yari yabanje mu kibuga Grohe; Hegazy, Sharahili, Shanqeeti, Hawsawi, Hamed, Coronado, Henrique, Romarinho, Al-Aboud na Hamdallah.
Al – Ittihad n’iyo yafunguye amazamu ku munota wa 15 igitego cyatsinzwe na Romarinho ku mupira yarahawe na Al-Aboud.
Al-Nassr ya Cristiano Ronaldo na Rudi Garcia yari yabanje mu kibuga Agustin; Sultan, Mado, Alamri, Lajami, Alkhaibari, Gustavo, Pity Martinez, Sami, Talisca na C. Ronaldo.
Al_Ittihad ku munota wa 44 yongeye gutsinda igitego cya kabiri cyatsinzwe na Hamdallah ahawe umupira na Romarinho.
Ku munota wa 67 ikizere ku bafana ba Al Nassr na Cristiano Ronaldo cyagarutse ubwo Talisca yatsindaga igitego ahawe umupira na Luiz Gustavo, Ariko ibyo ntacyo byatanze kuko ku munota wa 93 Al-Shanqeeti wa Al-Ittihad yatsinze igitego cya gatatu, gitahisha Cristiano Ronaldo n’abagenzi be.
