Burna Boy yanditse amateka mashya maze Diamond Platnumz amugwa mu ntege mu gihe Davido yisanze mu bigori

Burna Boy yanditse amateka mashya maze Diamond Platnumz amugwa mu ntege mu gihe Davido yisanze mu bigori.

Icyamamare muri muzika y’Isi Burna Boy usigaye ari kwisonga mu bahanzi bakunzwe cyane kurusha abandi bose ku mugabane w’Afurika ayoboje inkoni y’icyuma abahanzi bagenzi be bakomoka muri Afurika ku rubuga rwa YouTube muri uyu mwaka wa 2023.

Burna Boy yabaye umuhanzi wa mbere wo muri Afurika umaze kurebwa n’abantu benshi kurusha abandi ku rubuga rwa YouTube mu mwaka wa 2023 aho amaze kurebwa n’abantu barenga miliyari 2.52.

Umuhanzi Diamond Platnumz niwe waguye mu ntege Burna Boy aho uyu muhanzi wo muri Tanzania amaze kurebwa n’abantu barenga miliyari 2.37 kuri YouTube muri 2023.

Ku mwanya wa gatatu hari umuhanzi Wizkid utarigeze ushyira hanze indirimbo nshya muri uyu mwaka wa 2023 aho yarebwe n’abantu barenga miliyari 1.83 ku rubuga rwa YouTube.

Umuhanzi Fally Ipupa niwe uri ku mwanya wa kane akaba yararebwe n’abantu barenga miliyari 1.61 kuri YouTube ni mu gihe Davido umaze igihe muri muzika yisanze ku mwanya wa gatanu aho amaze kurebwa n’abantu barenga miliyari 1.50 barebye ibihangano bye kuri YouTube muri 2023.