Amakuru mashya kuri wa musore wari ukunzwe cyane kuri Twitter uherutse gutabwa muri yombi

Nyuma yo gutabwa muri yombi n’Urwego rw’Igihugu rw’Ubugenzacyaha RIB, dosiye ya Tuyisenge Evariste uzwi cyane kuri Twitter nka Ntama w’Imana, yamaze kuregerwa Urukiko.

Dosiye yarezwe mu rukiko nyuma y’iperereza ryari rimaze iminsi rikorwa kuri uyu musore.

Nk’uko tubikesha IGIHE, ni uko RIB yashyikirije Ubushinjacyaha dosiye y’uyu musore ku wa 27 Werurwe 2023 ndetse nabwo bwamaze kuyiregera Urukiko.

Birumvikana ko igisigaye hategerejwe kumenya itariki azaburaniraho ifungwa n’ifungurwa ry’agateganyo.

Tuyisenge Evariste, yatawe muri yombi akekwaho gutangaza ubutumwa ku rubuga rwe rwa Twitter bushishikariza abantu gukora icyaha cyo gusambanya abana ndetse banasanga yarakoreshaga n’ibiyobyabwenge.