Amakuru atari meza ku itsinda rya Juda Muzik

Itsinda rya Juda Muzik kugeza ubu ryamaze gusenyuka buri wese agiye kurya akora ukwe.

Umuhanzi Ishimwe Prince uzwi nka Darest_ishir yatangaje ko yatandukanye na mugenzi we Juniojuda wo mu itsinda rya Juda_muzik, inkuru yababaje benshi bakundaga iri tsinda.

Darest yavuze ko gutandukana kwabo kudashingiye ku kutumvikana bo ubwabo ahubwo ko ari ukugirango buri umwe yaguke mu muziki we.

Uyu musore yavuze ko kuba uri mu itsinda muri muzika Nyarwanda, nta gaciro n’icyubahiro uhererwa ibyo ukora kabone n”ubwo waba ubikora neza.

Darest yavuze ko buri umwe agiye gutangira gukora umuziki we ndetse yavuze ko bigoye ko bakongera gukorana n’ubwo ari abavandimwe n’inshuti mu buzima busanzwe.

Darest avuga ku ndirimbo bari barakoze ariko zitarasohoka, yavuze ko bitapfa gukunda ko zisohoka.