HARAGIRIMANA Dieudonne
Miss Uwicyeza Pamella ,umukunzi wa Mugisha Benjamin uzwi nka The Ben mu muziki nyarwanda yishimiye umwaka mushya arikumwe n’inshuti ze ,babyina ,banaririmba indirimbo za The Ben biratinda.
Mu ijoro ryo kuri uyu wa kabiri tariki 03 Mutarama 2023 ,nibwo Miss Uwicyeza Pamella , arikumwe n’inshuti ze Milleir Kesha , Morgan , n’abandi bakoreye ikiganiro cy’imbonankubone ku rubuga rwa instagram ya Pamella bagaragaza akanyamuneza ko gutangira umwaka mushya wa 2023 banawifuriza abantu bagera kuri 600 bari babakurikiye.
Miss Pamella n’inshuti ze guhera ku munota wa mbere batangira ikiganiro bifashishije indirimbo z’umukunzi we The Ben mu gususurutsa abari babakurikiye , ndetse barazibyina biratinda.
Uwicyeza Pamella yifashishije indirimbo Ihogoza The Ben yakoranye na Yvan Buravan, hamwe na Mike Kayihura , Ntacyadutanya ,uyu muhanzi yahuriyemo na Priscilla , am in love n’izindi za The Ben zitandukanye.
Miss Pamella yasezeranye mu Murenge na The Ben ku itariki 31 z’ukwezi kwa munani mu mwaka ushize , bikaba bivugwa ko indi mihango y’ubukwe ishobora kubera muri Leta Zunze Ubumwe za America uyu mwaka .
