THIERRY Mugiraneza
Ikipe ya Manchester United yahuye n’uruva gusenya ubwo yanganyaga n’ikipe ya Crystal Palace igitego kimwe kuri kimwe mu mukino wa Premier League hejuru y’ibyo United igatakaza na Casemiro wabonye ikarita y’umuhondo izatuma atazakina umukino ikipe ye izakina na Arsenal ku cyumweru kuko yujuje amakarita 5 y’umuhondo atamwemerera gukina uwo mukino.
Crystal Palace yari yabanje mu kibuga abakinnyi nka Guaita; Clyne, Richards, Guehi, Mitchell; Hughes, Doucouré, Olise; Edouard, Mateta na Zaha.
United niyo yafunguye amazamu mbere ku munota wa 44 Bruno Fernandes yatsinze igitego cya mbere ahawe umupira na Eriksen.
Ten Hag utoza Manchester United yari yabanje mu kibuga De Gea; Wan-Bissaka, Varane, Martínez, Shaw; Eriksen, Casemiro; Antony, Bruno Fernandes, Rashford na Weghorst wakinaga umukino we wa mbere mu mwambaro w’amashitani atukura.
United yaje guhura n’isanganya ku munota wa 80 ubwo Casemiro yahabwaga ikarita y’umuhondo azira gutega Zaha bikazatuma Casemiro wari kuzahangana na Partey ku mukino Arsenal izakina na Manchester United.
Crystal Palace nayo yaje gutsinda igitego cya mbere cyayo ku munota wa 90 gitsinzwe na Olise wateye umupira wijyana mu izamu ari na wo wishyuraga igitego bari batsinzwe.
