Ikipe ya Kiyovu Sports yacyuye amafaranga ndetse n’amanota 3 by’ikipe ya Rayon Sports

Umukino wahuzaga ikipe ya Kiyovu Sports ndetse n’ikipe ya Rayon Sports waje kurangira ikipe ya Kiyovu Sports itsinze Rayon Sports ibitego 2-1 byatumye ikipe ya Rayon Sports imara imikino igera kuri 5 ikurikirana itarabona itsinzi kuri Kiyovu Sports.

Ni umukino watangiye ku isaha ya saa 16:00 z’umugoroba maze Kiyovu Sports ibifashijwemo na Ismael Pitchou ku munota wa 5 yatsinze igitego cya mbere maze ku munota wa 39 ku burangare bw’abadefanseri ba Rayon Sports Mugenzi Bienvenu yaje gushyiramo igitego cya kabiri maze igice cya mbere kiza kurangira bikiri ibitego 2 bya Kiyovu Sports gusa mu gice cya kabiri ikipe ya Rayon Sports yaje kubona penalite maze Onana aza kuyiterekamo maze umukino urangira ari ibitego 2-1.

Mbere y’uyu mukino abafana ku mpande zombi bari bashyuhije uyu mukino urugero nk’abafana ba Rayon Sports bafashe isanduku maze bashyiraho igitambaro cy’ikipe ya Kiyovu Sports bavuga ko bayishyinguye.

Ku ruhande rw’abafana ba Kiyovu Sports bo bagaragaye bari gukubura mu mujyi wa Kigali bavuga ko bari kwitegura ubukwe ngo kuko bari butere impanga ikipe ya Rayon Sports(ibitego bibiri) kandi koko niko byagenze.