Cristiano ntagereranwa! Amagambo ya Mbappé ubwo yagereranyaga Cristiano Ronaldo na Messi

Klyian Mbappé ntiyemere ko Lionel Messi ari umukinnyi wa mbere ku isi.

Abakunzi ba ruhago bahora mu mpaka z’urudaca bamwe bavuga ko Lionel Messi ariwe mukinnyi wa mbere ku isi abandi bahamya ko Cristiano Ronaldo ariwe mukinnyi wa mbere ku isi kuva ruhago yabaho.izi mpaka z’urudaca hari n’abakinnyi b’umupira w’amaguru bagenda bazishoramo ugasanga bamwe bemera ko Ronaldo ariwe wa mbere abandi Messi cyangwa inyabwenge zigahitamo kuruca zikarumira.
Kuru Klyian Mbappé we siko bimeze kuko amakuru yatanzwe n’umwe mu bakinnyi bakinanye muri Paris Saint Germaine yemeza ko kuva mu bwana bwa Mbappé yifaniraga kizigenza Cristiano Ronaldo.

Abdou Diallo wahoze akinana na Mbappe muri Paris Saint-Germain ariko ubu akaba yaratijwe muri RB Leipzig, yabajijwe na Daily Mail uko Kylian Mbappe afata Cristiano Ronaldo na Lionel Messi bakinana maze agira ati:

“Mbappe yakuze akunda Cristiano Ronaldo nta mpaka abibonamo kubera ko yivugira ko Cristiano Ronaldo ari we gihanganjye mu mupira w’amaguru yakuze abona ndetse no kugeza ubu akaba ari we ukiri umwami wa ruhago ndetse anakunda kuvuga ko Cristiano Ronaldo adakorwaho”.

Klyian Mbappé araba ahanganye na Messi ku mukino wanyuma w’igikombe cy’isi uyu mwaka ubwo Argentina iza kuba icakirane n’Ubufaransa.