Amakuru meza kuri Bruce Melodie

Umuhanzi Bruce Melodie yashyizwe ku rutonde rw’abahanzi bakwiye guhangwa ijisho n’urubuga Audiomack Africa kuva muri uku kwezi kwa Kanama 2022.

Ni urutonde uru rubuga rwashyize hanze mu ijoro twatambutse ruriho abahanzi 10 baturuka mu bihugu bitandukanye by’Afurika bakwiye kwitabwaho n’abakunzi b’umuziki bakoresha uru rubuga bagura umuziki.

Itahiwacu Bruce Melodie niwe muhanzi nyarwanda rukumbi washyizwe kuri uru rutonde mu gihe yitegura gutaramira abarundi mu bitaramo by’imbaturamugabo biteganyijwe tariki 02-03 Nzeri 2022.