HARAGIRIMANA Dieudonne
Ishyirahamwe ry’umupira w’amaguru hano mu Rwanda FERWAFA ryamaze gutangaza abasifuzi bazayobora umukino uzahuza ikipe ya Rayon Sports na APR FC wa Super Cup.
Kuri uyu wa gatandatu nibwo ruzambikana hagati y’ikipe ya Rayon Sports n’ikipe ya APR FC zihatanira igikombe cyiruta ibindi byose bikinirwa hano mu Rwanda gihuza ikipe yatwaye igikombe cy’amahoro n’iyatwaye igikombe cya Shampiyona.
Mu ijoro ryo kuri uyu wa kabiri nibwo FERWAFA yatangaje ko Uwikunda Samuel ari we uzaba uyoboye umukino ukomeye kurusha indi hano mu Rwanda. Uyu musifuza byemejwe ko azafatanye na Mutuyimana Diedonne na Ishimwe Didier nk’abasifuzi bo ku ruhande.
Rurisa Patience, Mugabo Eric, Hakizimana Louis hamwe na Kayijuka Gaspard nabo bazaba ari abasifuzi bari kumukino bagomba gufasha aba bazaba bari mu kibuga.
