Kicukiro: Umugabo yatemaguwe ibiganza ndetse akubitwa n’inyundo asanzwe mu modoka ye yiguriye (AMAFOTO)

Umugabo n’umugore bari batashye mu modoka, batezwe n’amabandi yari yitwaje intwaro maze abambura telefone ndetse basiga bakomerekeje umugabo.

Ibi byabereye mu Murenge wa Gatenga, Akagari ka Gatenga, mu mudugudu wa Sabaganga, aho uwitwa Ngarambe Alfred wari mu modoka n’umugore we batashye, bategewe ku gipangu cyabo n’abantu bataramenyekana, ndetse bakomeretsa umugabo.

Uyu mugabo, yabwiye UMUSEKE ko batezwe n’amabandi ane yaje kumutema ku kiganza ni uko bamukubita n’inyundo ku kaboko.

Akomeza avuga ko yabonye bikomeye akabajugunyira telefone ni uko maze hakaza n’undi muturage wavugije induru abatabariza.

Ubwo babatakaga iyo modoka yari itwawe n’umugore aho mugabo yatemwe ibiganza agerageza kurwana n’ayo mabandi.

Uyu mugabo yahise ajyanwa kwa muganga kwipfukisha ibikomere yasigiwe n’ayo mabandi.