Rwamagana; Umugabo yishe umugore we amutemye umutwe

Umugabo w’imyaka 38 wari utuye mu Karere ka Rwamagana mu Murenge wa Kigabiro, yishe umugore we bari babyaranye abana babiri amutemye umutwe, bigakekwa ko yamwishe kubera kumufuhira.

Umunyamabanga Nshingwabikorwa w’Umurenge wa Kigabiro, Rushimisha Mark, yashimangiye ko bataramenya icyatumye uyu mugabo yica umugore we gusa ngo biravugwa ko byatewe no kumufuhira cyane.

Yagize ati “ Byabaye nka saa Tanu zijoro uwo mugabo amaze kumwica yahise ahamagara mukuru we nka saa Cyenda zijoro amubwira ko yishe umuntu, urebye yamwishe amutemye umutwe gusa nyuma yo kumwica yahise asa n’utaye ubwenge ntabwo arongera kuvuga ngo nibura atubwire icyatumye amwica.”