Ku munsi w’ejo ikipe ya Fc Barcelona yari yasuye ikipe ya FC Sevilla ku kibuga Roman Sanchez Pizjuan mu rwego rwo gukina umukino w’umunsi wa 30 wa shampiyona, uyu mukino rero ukaba waje kurangwamo imirwano yatewe na capiteni w’ikipe ya Barca, Lionel Messi.
Ubwo bari barimo bakina iminota yinyongera y’igice cya mbere, Lionel Messi akaba yageregeje gusatira izamu ry’ikipe ya Sevilla maze umukinnyi wa Sevilla witwa Diego Carlos ahita amuserebeka amutwara umupira. Messi yahise ihindukira n’umujinya mwinshi araza aramusunika yitura hasi.
Ibi rero bikaba byahise bitezakavuyo kenshi mu kibuga aho abakinnyi Sergio Busquet na Diego Carlos bahise bafatana mu ijosi biba ngombwa ko babakiza.
Uyu mukino ukaba waje kurangira ikipe zombi zinganya ubusa ku busa, bituma Barca itakaza amanota abiri mu guhatanira igikombe na mukeba wayyo Real Madrid.
