HARAGIRIMANA Dieudonne
Kim Kardashian, umwe mu bagore bakomeye cyane ku isi ndetse akaba n’umwe mu byamamare bikomeye ndetse binakunze kugarukwaho mu itangazamakuru cyane bitewe n’ibintu byinshi bigiye bitandukanye bakora, ku munsi w’ejo yeruriye imbaga y’abatuye isi yose ko umukobwa we ariwe North West ashobora kuzayobora leta zunze ubumwe za Amerika kurusha uko Donald Trump ayiyoboye ubu.
Nkuko tubikesha dailymail, Kim Kardashian yemeje ko North West ashobora kuzayobora leta zunze ubumwe za Amerika neza cyane kurusha uko Donald Trump ayiyoboye ubu. Mu magambo ye bwite, Kim Kardashian yagize ati: “Not the President now. Anyone can run the US better. My daughter would be better”.
Nyuma yo gutangaza aya magambo, abafana benshi ba Kim Kardashian ndetse n’abagiye babona ubu butumwa bwe bagiye bagira ibyo babuvugaho gusa abenshi bagarukaga mu kunenga iki gitekerezo cya Kim Kardashian bavuga ko bitari bikwiye ko asuzugura President Donald Trump bene aka kageni kugeza naho amugereranya n’umwana we, North West, w’imyaka ine gusa y’amavuko.
