Exclusive: Neymar agiye kwegukana igihembo cye cya mbere gikomeye akigera mu ikipe ya PSG

Rutahizamu w’ikipe ya PSG umunya Brasil Neymar Jr wavuye mu ikipe ya Fc Barcelona ahunze guhora mu kwaha kwa Lionel Messi watumaga adahabwa bimwe mu bihembo nyamara nawe afite impao igaragarira buri wese, kurubu nyuma yo kugera mu ikipe ya PSG, uyu musore akaba yatangiye guhatanira bimwe mu bihembo byo mu bufaransa.

Nkuko tubikesha urubuga rwa Twitter rw’akanama gashinzwe gutanga ibihembo muri Federation y’umupira w’amaguru mu gihugu cy’ubufaransa, Neymar Jr akaba yashyizwe ku rutonde rw’abakinnyi bitwaye neza mu kwezi gushize kwa munani ndetse akaba anafite amahirwe menshi yo kwegukana iki gihembo bitewe naho ibarurishamibare ry’amajwi y’abafana riri kwerekana ko ari imbere ya Radamel Falcao na Nabir Fekir bahataniye iki gihembo. Ibi akaba ari ibikomeza gushimangira neza impamvu  nyamukuru yatumye Neymar ava muri Fc Barcelona.