Rayon Sport mu mwambaro mushya yahagamwe na Mukura

Rayon Sport yanganyije na Mukura Ibitego bibiri kuri bibiri bituma abafana bayo bongera gushidikanya ku ikipe yabo.
Ni umukino watangiye ku isaha ya saa Kenda utangira Rayon Sport ifite inyota yo gushaka igitego kuko nko ku munota wa 10 Musa Camara yahushije igitego ku mupira yateye nu mutwe ariko ugaca inyuma y’izamu.

Wari umukino w’ihangana

Iraguha Hadji wa Rayon Sport ku munota 13 na we yarekuye ishoti riremereye ariko umupira uca hejuru y’izamu.
Mukura na yo yakomezaga gusatira Rayon Sport binyuze kuri Djibril Akuki ndetse na Robert Mukogotya ariko bakabura amahirwe.
Kamanzi Ashilaf wa Mukura yabonye ikarita y’umuhondo bivuye ku ikosa yakoreye Onana amukurura.
Murenzi Patrick wa Mukura na we yahawe ikarita y’umuhondo bivuye ku ikosa yakoreye Onana.
Abakinnyi ba Rayon Sport bishimira igitego cya Camara

Musa Camara yatsinze igitego kiza cy’umutwe ku munota wa 25 ku mupira mwiza yarahawe na Mitima Isac. Mukura yakomeje gukora amakosa kuko nko ku munota 40 Ngirimana Alex yahawe ikarita y’umuhondo.
Igice cya mbere cyarangiye ari igitego kimwe cya Rayon Sport k’ubusa bwa Mukura.

Igice cya kabiri cyatangiranye ni impinduka kuri Mukura maze ku munota wa 49 Robert Mukogotya yatsinze igitego ya mbere cya Mukura biturutse ku ishoti riremereye yatereye muri metero 30 uvuye ku izamu rya Rayon Sport umuzamu Adolph wa Rayon Sport akozeho arashya.
Robert Mukogotya yatsinze
igitego cya kabiri cya Mukura ku munota wa 59 nanone ateye ishoti riremereye umuzamu wa Rayon Sport ntiyamenya uko bigenze.
Ubwugarizi bwa Rayon Sport bwakomeje kugaragaza ko butari bumeze neza kuko bwagowe na Robert Mukogotya.
Rayon Sport yakomeje kugerageza amahirwe yo gushaka igitego ariko bikagorana kuko umuzamu wa Mukura Nicolas Sebwato yababanye ibamba.
Ku munota wa 78 Rayon Sport yabonye Penaliti bivuye kukuba Kayumba Soteri wa Mukura yawukoze na maboko maze Onana ayinjiza neza Rayon Sport iba ibonye igitego cya kabiri.
Umukino warangiye ari Ibitego bibiri kuri bibiri bituma Rayon Sport imara imikino ibiri yikurikiranya ntansinzi.

Subscribe
Notify of
guest
0 Comments
Inline Feedbacks
View all comments

Rwanda: ababyeyi batunguwe n’ibaruwa irimo amagambo akakaye Padiri yandikiye umubyeyi wanze kwishyurira umwana we amafaranga yo gufatira ifunguro ku ishuri

Ecuador yihanije Qatar mu mukino ufungura igikombe cy’isi