Kubwayo Mc croix
Ku munsi wo ku wa gatandatu ubwo ikipe ya Chelsea yanganyaga n’ikipe y’Arsenal ibitego 2-2 muri shampiyona y’Ubwongereza Premier League, Umuzamu wa kabiri w’Arsenal kuri ubu Aaron Ramsdale ntiyagaragaye kuri uyu mukino kuko we n’umugore we Georgina bari bibarutse umwana wabo w’imfura.
Umwaka ushize w’imikino Ramsdale yawukinnye ariwe muzamu wa mbere muri Arsenal gusa kuva mu kwezi gushize David Raya waje muri iyi kipe mu mpeshyi niwe uri gukina nk’umuzamu wa mbere mu gihe Ramsdale asa nk’uwabaye uwa kabiri.
Nyuma yo kwibaruka umwana w’imfura, Aaron Ramsdale akaba yagarutse mu myitozo kuri uyu wa mbere aho ikipe y’Arsenal iri kwitegura umukino w’ikipe ya FC Sevilla utegerejwe kuri uyu wa kabiri muri UEFA Champions League. Uyu mukino ukazabera kuri stade Ramón Sánchez Pizjuán ya FC Sevilla.
