HARAGIRIMANA Dieudonne
Uyu mukobwa Kayirebwa Paul wamamaye nyuma yo kugaragara mu ndirimbo ikinyafu ya Bruce Melodie ni we wegukanye ikamba rya Miss Popularity mu irushanwa rya Nyampinga w’u Rwanda ryabaye kuri uyu wa Gatandatu tariki 20 Werurwe 2021.
Kayirebwa Mari Paul yavugishije benshi kubera kwitabira Miss Rwanda nyuma yo kugaragara mu ndirimbo ‘Ikinyafu’ y’umuhanzi Bruce Melodie yakoranye na Kenny Sol. Yitabira irushanwa, yatangarije itangazamakuru ko atari yifitiye icyizere muri we kuko yari yaragaragaye mu mashusho y’indirimbo.
Kuri ubu ariko Kayirebwa yararanye ibyishimo kuko yegukanye Ikamba ry’umukobwa wakunzwe cyane muri iri rushanwa (Miss Popularity). Iri ni ikamba rikomeye kuko harimo ibihembo bitandukanye.
Ibyo bihembo harimo guhembwa 1,800,000Frw azatangwa na MTN Rwanda, azahabwa kandi na Telefone ya iPhone 10Plus nayo izatangwa na MTN Rwanda, azamara umwaka wose akoresha Internet y’ubuntu ya MTN Rwanda no guhamagara ku buntu, maze ahabwe na Bourse yo kwiga muri Kaminuza ya Kigali.
