HARAGIRIMANA Dieudonne
Mu gihe habura amasaha abarirwa ku ntoki ngo irushanwa rya Miss Rwanda 2021 rigere ku musozo, hakamenyekana uzatwara iri kamba, Kabagema Laila ni we ukomeje kurusha abandi amajwi kuri interneti no mu butumwa bugufi ibintu bishobora kumuhesha amahirwe yo kuba Miss popularity.
Rimwe mu makamba aratangwa ni irya Miss Popularity rihabwa umukobwa ukunzwe kurusha abandi, bikaba bigaragarira mu matora yo kuri interineti no mu butumwa bugufi.
Kuva iri rushanwa ryatangira umukobwa witwa Kabagema Laila yakomeje kurusha abandi amajwi bimuhesha amahirwe yo kwinjira mu mwiherero ndetse nabwo akomeza kubarusha.
Ese ni ikihe gihembo giteganyijwe kuri Miss Popularity?
Miss Popularity azahembwa amafaranga miliyoni 1 n’ibihumbi 800 Telefoni ya iPhone 10 Plus izatangwa, Internet y’umwaka wose izatangwa, Azajya ahamagara ku buntu bizatangwa na MTN Rwanda.
