HARAGIRIMANA Dieudonne
Umukinnyi mpuzamahanga ukomoka muri Nijeriya, Victor Osimhen, nyuma yo kwerekeza muri Napoli, yahinduye amateka y’umukinnyi w’Umunyafurika uhenze cyane mu mateka imbere y’Umunya-Cote d’Ivoire Nicolas Pépé.
Victor Osimhen yasinyiye ikipe ya Napoli muri Shampiyona y’Ikiciro cya mbere mu Butaliyani (Serie A) mu Butaliyani amasezerano ya miliyoni 71.2 €, hiyongereyeho miliyoni 10.1 € za bonus.
Bisobanuye ko miliyoni 81.3 z’Amayero yageze mu isanduku y’Ikipe ya Lille yo mu Bufaransa ku itariki ya 20 Nyakanga 2020 (ni igice kizajya mu ikipe ya Charleroi yo mu Bubiligi, yari yumvikanye ku ijanisha ku gucuruza uyu mukinnyi) nk’uko byatangajwe n’Ikinyamakuu L’Equipe.
Kuri iyi transfert ye idasanzwe, uyu mukinnyi yahise ajya imbere ya Nicolas Pépé na we wahoze ukinira Lille mu cyiciro cy’abakinnyi b’Abanyafurika bahenze mu mateka. Pépé akaba yarerekeje muri Arsenal mu mpeshyi ya 2019, kuri miliyoni 80 z’Amayero.
Dore urutonde rw’abakinnyi 10 b’Abanyafurika bahenze cyane mu mateka
1. Victor Osimhen (Nigeria, ava muri Lille ajya muri Naples mu 2020) : 81,3 M€
2. Nicolas Pépé (Côte d’Ivoire, ava muri Lille ajya Arsenal mu 2019) : 80 M€
3. Riyad Mahrez (Algérie, ava muri Leicester ajya muri Manchester City mu 2018) : 67,8 M€
4. Pierre-Emerick Aubameyang (Gabon, ava muri Dortmund ajya mri Arsenal mu 2018) : 63,8 M€
5. Naby Keita (Guinée, ava muri Leipzig ajya muri Liverpool mu 2018) : 60 M€
6. Mohamed Salah (Égypte, Ava muri Roma ajya Liverpool mu 2017) : 50 M€
7. Hakim Ziyech (Maroc, ava muri Ajax ajya muri Chelsea mu 2020) : 47 M€
8. Sadio Mané (Sénégal, ava muri Southampton ajya muri Liverpool mu 2016) : 41,2 M€
9. Cédric Bakambu (RDC, ava muri Villarreal ajya muri Beijing Guoan mu 2018) : 40 M€ (+34 M€ z’imisoro)
10. Eric Bailly (Côte d’Ivoire, ava muri Villarreal ajya muri Manchester United mu 2016) : 38 M€. Michaël Essien (Ghana, ava muri Lyon ajya muri Chelsea mu 2005) : 38 M€
