Umutoza uturanye n’iwabo wa Neymar muri Brazil niwe ushobora gusimbura Adil muri APR FC

Nyuma y’uko Adil atishimiwe ndetse akaba yarahagaritswe, amakuru avuga ko mu ibanga rikomeye cyane APR FC yatangiye gushaka undi mutoza uzasimbura Adil muri APR FC.

Umutoza w’umunya-Brazil, Roberto Oliveira Concaves de Carmo utoza Vipers SC yo muri Uganda ari mu biganiro na APR FC kuba yasimbura umunya-Maroc Mohammed Adil Erradi utishimiwe n’ubuyobozi ndetse n’abakinnyi ba APR FC.

Uyu Roberto yahoze ari umuturanyi kwa Neymar aho avuka ndetse yajyaga anamubona mu myitozo ubwo Neymar yari akiri akana gato cyane gusa nta wundi mubano bafitanye uretse kuba yari atuye hafi aho.