HARAGIRIMANA Dieudonne
Umuhanzikazi Juliana Kanyomozi ukomoka muri Uganda yashyize hanze ifoto y’umwana we w’umuhungu bituma benshi bayibazaho cyane. Iyi foto imaze iminsi itatu uyu muhanzikazi yayisangije abamukurikira kuri Instagram maze abifuriza kugira noheli nziza. Iyi foto itagaragaza mu maso h’uyu muhungu we uri hafi kuzuza amezi 8 abenshi bayitanzeho ibitekerezo bitandukanye.
Mu bitekerezo bigaragara kuri iyi foto ibyinshi ni ibyifuriza uyu muryango noheli nziza nk’uko Juliana nawe yabikoze. Ku rundi ruhande n’ubwo ari uburenganzira bwe hari abibajije impamvu iyi foto ya mbere igaragaza mu buryo bunini y’uyu mwana nyina yashyize hanze itagaragaza mu maso he.
Uwitwa justinkalema233 yagize ati ”Umwana arashaka kudusekera ariko nyinaaaaa”. Hari n’abandi bavuze ko Imana ari nziza kuko yamushumbushe. Iyi foto imaze gukundwa (Like) n’abasaga 33,700. Naho abamaze kuyitangaho ibitekerezo n’abantu 655. 
