HARAGIRIMANA Dieudonne
Nyuma y’uko habayeho akaduruvayo ndetse ibintu bikagenda nabi ku mukino wa nyuma wa Champions league, bikaba ngombwa ko haterwa ibyuka biryana mu maso abantu kugirango batatane ubungubu ibintu byahindutse.
Abaterankunga bakuru ba UEFA bakomeje gusaba ibisobanuro ku bubi na bwiza kubera amakosa yakozwe bigasangwa ko abashyitsi babo b’imena bari mu batewe ibyuka biryana mu maso.
Heineken ndetse na Just Eat bakomeje gusaba ibisobanuro UEFA ndetse bakayishinza uburangare n’ubunyamwuga bucye, bitewe n’ibyabereye kuri Stade de France.
Si abo gusa kuko na Playstation nayo yenda kuvanamo akayo karenge mu gihe ibibazo ifite bidasubijwe kimwe ku kindi kandi mu buryo bwumvikana.
Ibi byose bikaba bije bituruka ku birego UEFA yarenzwe n’ikipe ya Liverpool nyuma y’uko itsindiwe ku mukino wa nyuma wa Champions league na Real Madrid.
