Sergio Ramos arashinjwa kurwana n’umuyobozi ukomeye wo muri Espagne

Myugariro ndetse akaba na capiteni w’ikipe y’igihugu ya Espagne, Sergio Ramos arashinjwa kurwana n’umuyobozi w’ishyirahamwe ry’umupira w’amaguru muri Espagne ariwe Luis Rubiales bapfa iyirukanwa ry’umutoza Julen Lopetegui.

Nkuko ikinyamakuru cyo muri Espagne kitwa El chiringuito cyabitangaje, ngo Sergio Ramos yarakajwe n’iyirukanwa ry’umutoza w’ikipe y’igihugu Julen Lopetegui ku buryo yashatse kurwana n’umuyobozi w’ishyirahamwe ry’umupira w’amaguru muri Espagne biba ngombwa ko Gerard Pique abakiza.

Umutoza Julen Lopetegui akaba yarasezerewe ku kazi ko gutoza ikipe y’igihugu ya Espagne ku munsi w’ejo nyuma yuko bitangajwe ko yamaze kumvikana na Real Madrid ngo azajye gusimbura Zidane.