Connect with us

Imyidagaduro

Jack B aricuza impamvu yimennye inda akavuga byose

Published

on

 

Nyuma yuko umuhanzi Rugamba Jacques [Jack B] afashe icyemezo cyo gutandukana n’umugore we Dr Juru Gisele amushinja uburaya,n’ubusinzi akabinyuza ku mbuga nkoranyambaga avuga ko atakibana n’umugore wa mubyariye abana babiri, uyu muhanzi aricuza intera iyi nkuru yafashe mu banyarwanda.

Mu ijoro ryo kuri iki cyumweru tariki ya 11 Nzeri 2016, nibwo inkuru yabaye kimomo ko Jack B yatandukanye n’umugore bari bamaranye umwaka n’amaze macye, yifashishije imbuga nkoranyambaga nka Facebook, WhatsApp, Instagram, uyu muhanzi yashinje umugore we guta urugo, ubusinzi no gukururana n’abandi bagabo bafite amafaranga.

Mu butumwa bukurikiranye, Jack B yagaragazaga umujinya no kurambirwa amakosa y’uyu mugore usigaye wibera mu kabari wamutanye abana. Ku rukuta rwa Facebook yabanje kwandika asa nubica hejuru, ati“Urukundo si amafaranga.” Bamwe mu bamukurikirana kuri urwo rubuga baguye mu rujijo bibaza nimba ari igihangano gishya agiye gushyira hanze.

Jack B wari wasaritswe na gahinda yanyarukiye kuri instagram, maze ashyiraho ifoto ye ahetse umwana ayiherekeza amagambo, avuga ko igitumye atandukana n’uyu mugore ari uko yikundiraga abanyamafaranga, ati“Narababaye bihagije mfashe gahunda nangjye ku giti cyanjye Gisele Juru ntandukanye na we uzagumane n’abanyamafranga njye nta kazi ngira, nzize ubwiyemezi n’ubusinzi ndagiye ariko.

Uyu muhanzi yongeyeho ko umugore we wataye urugo ku buryo ariwe usigaye yita ku bana be, avuga ko imwe mu mishinga y’indirimbo ye yayihagaritse kubera kubura usigara ku rugo. “Harya ngo uri za bakire nirirwa ndera abana banjye, harya ngo urantuze ,umuziki twamenyanye nkora kugeza aho ntagikora na video n’imwe kubera kwitanga, abana ntibanakuzi mbivuganye umujinya kandi mbabaye!”

Ku gicamunsi cyo kuri uyu wa 12 Nzeri 2016, Jack B anyarukiye ku rukuta rwa instagram, asaba umugore we imbabazi ku byo yakoze, avuga ko atigeze amenyako ibyo yanditse bigera kuri buri wese. Yavuze ko ajya kwandika ibi byose yirengagije uwo ariwe ndetse n’uwo umugore ariwe.

Ati ” Cherie twakundanye Facebook, whatsapp na Instagram bitarabaho ….Nakoze amakosa akomeye gusa sinatekereje kuburemere bw’ibyo nandikaga ndetse nirengagije n’uwo ndiwe kuko sinatekerezaga ko ibintu nanditse bishobora kugera aho byageze….

Arongera ati ” Ibyo natekerezaga byose ni wowe nagombaga kubibwira…Nagusize icyasha nacyisize ngisiga umuryango muri rusange kugeza ubu ndumva ndi igicibwa kuri wowe…ngusabye Imbabazi mbikuye kumutima mukunzi wanjye”.

Asoza agira ati ” Twasezeranye imbere y’amategeko gusa sinahemukiye gitifu cyangwa undi wese wadusezeranyije nahemukiye umutima wawe n’uwanjye. Umbabarire wowe…Inshuti zanjye nzisabye imbabazi, umuryango wanjye muri rusange ndetse n’abandi bose bamfashe ukundi kuntu…Imana by’umwihariko yampuje na Gisele nyisabye imbabazi. Uri umugore wanjye n’ubuzima bwanjye”

Muri 2013 babyaranye umwana wa mbere, naho muri Kamena 2014 bafata umwanzuro wo kubana batararushinga. Kuwa 28 Kamena 2015 Jack B na Dr Juru Gisele basezeranye kubana akaramata.

Src: Umuryango

Advertisement
1 Comment
Subscribe
Notify of
guest
1 Comment
Oldest
Newest Most Voted
Inline Feedbacks
View all comments
umurinzi marie louise
umurinzi marie louise
4 years ago

usabye imbabazi arazihabwa ntawudakosa juru nakubabarire rwose kandi mubane mumahoro ya yesu ubuzira herezo

Advertisement

Inkuru zikunzwe

error: Content is protected !!
%d bloggers like this: