Epaphrodite Nsengimana
Abana bo mu irerero rya Paris Saint-Germain mu Rwanda, mu mpera z’icyumweru gishize bakinnye imikino ya gishuti n’irerero rya Bayern maze mu batarengeje imyaka 13 maze PSG inyagira Bayern ibitego 6-2.
Iyi mikino yabaye ku wa Gatandatu tariki ya 9 Werurwe 2024 ibera kuri Stade Mpuzamahanga ya Huye.
Abana b’irerero rya Bayern Munich, bari bakoze urugendo bajya i Huye gusura irya PSG kuko ari ho ribarizwa, ni mu gihe irindi riba i Kigali kuri FERWAFA.
Bayern Munich yo mu Budage niyo ifasha iri rerero, naho Paris Saint-Germain yo mu Bufaransa, nayo igafasha aba bayo. Abatarengeje imyaka 14 bo banganyike igitego 1-1.
