YegoB
Mu gihe ikipe ya Chelsea imaze imikino igera ku munani yose idatakaza inota na rimwe muri Championat ya Premier League barasa naho igiye gutakaza amanota kungufu mu buryo budasanzwe iziri imyitwarire y’abakinnyi bayo.
Nkuko ikinyamakuru Mirror kibitangaza ngo ikipe ya Chelsea ishobora kuba igiye kugabanyirizwa amanota kubera imyitwarire mibi yagaragajwe n’abakinnyi bayo ku kibuga cya Manchester City ku mukino w’umunsi wa 14 wa Championat.
Uku kugabanyirizwa amanota kw’ikipe ya Chelsea ngo bikaba byaba bitewe nuko ubu ari ubwa 4 mu mezi 19 gusa abakinnyi bayo bagaragaho imyitwarire igayitse yo kurwana mu kibuga.
Nkuko Mirror ikomeza ibitangaza ngo Chelsea yari yahawe gasopo n’ishyirahamwe ry’umupira w’amaguru mu Bwongereza mu mpera za season ishize ubwo bakinnyi bayo barwanaga n’abakinnyi ba Tottenham. Icyo gihe rero FA ikaba yari yaburiye Chelsea ko abakinnyi bayo nibongera kugaragaraho imyitwarire nkiyo ikipe izahanwa igakurwaho amanota kuri ubu rero ngo FA ikaba yaba igiye gushyira mu bikorwa ayo magambo.
Ibi rero bikaba byababaje bafana ba Chelsea baraye banatakaje umwanya wa mbere wa Championat kuri ubu ufitwe n’abasore ba Arsene Wenger, gusa ariko Chelsea ikaba yari ifite amahirwe yo kwisubiza uwo mwanya itsinda cyangwa se inganya na West Brom.
