Ikipe y’igihugu Amavubi iheruka gutsinda Africa y’Epfo yagumye ku mwanya yari ariho ku rutonde ngarukakwezi rw’amakipe y’ibihugu rwa FIFA rusoza umwaka wa 2023

Ikipe y’Igihugu Amavubi yagumye ku mwanya wa 133, ku rutonde ngarukakwezi rw’Ishyirahamwe rya Ruhago ku Isi, FIFA, kuko uyu mwanya ninawo yari ariho mu Ugushyingo mu 2023.

Muri uku kwezi gushize, iyi kipe yari yanganyije na Zimbabwe ubusa ku busa, mbere yo gutsinda Afurika y’Epfo ibitego 2-0, mu mikino ibiri ibanza yo mu matsinda yo gushaka itike y’Igikombe cy’Isi cya 2026, byatumye izamukaho imyanya irindwi.

Uganda niyo iyoboye mu Akarere ka Afurika y’Iburasirazuba, aho iri ku mwanya wa 92 ku Isi, Kenya ni iya 110 na Tanzania iri ku mwanya wa 121.

Ku mugabane wa Afurika uyobowe na Maroc ya 13 ku Isi, Sénégal 20 ndetse na Tunisia 28. Argentine ni iya mbere ku Isi, ikurikiwe n’u Bufaransa, u Bwongereza, u Bubiligi na Brésil.