Ibyo umuhanzi Davido yakoreye muri Amerika byaburiwe igisobanuro (AMAFOTO)

Umuhanzi w’icyamamare muri Nijeriya, David Adeleke uzwi cyane ku izina rya Davido, yageze i New York akora ibintu byatumye abantu batungurwa.

Ni mu rugendo rwe rw’umuziki agiye gukorera muri Amerika. Uyu muhanzi agikandagiza ikirenge cye muri iki gihugu yahise aryama hasi asoma ubutaka bwo muri New York ndetse ashima Imana.

Biteganijwe ko urugendo rwa muzika arutangira ku ya 16 Kamena 2022 muri Amerika ya Ruguru aho azagenda akoresha ibitaramo bitandukanye.

Davido yagiye kuri status ye ya Instagram ashyiraho amashusho y’igihe yishimye cyane ava mumodoka yamugejeje kukibuga cyindege amaze kugera i New York akaba yahise asoma ubutaka bwaho.