Fc Barcelona yongeye kubabaza bikomeye ikipe ya PSG iyitwara umukinnyi ukomeye

Muri uyu mwaka wa Champiyona ushize nibwo mu gikombe gihuza amakipe yabaye ayambere iwayo(Uefa Champions League) ikipe ya Fc Barcelona yigaranzuye ikipe ya PSG iyitsinda ibitego 6-1 mu gihe mu mukino ubanza PSG yari yatsinze ibitego 4-0. Nyuma yako gahinda gakomeye katashye mu bufaransa, ikipe ya Fc Barcelona ikaba ishaka kongera kujomba igikwasi mu nkovu itwara PSG umwe mu bakinnyi igenderaho.

Umukinnyi Marco Verrati ni umwe mu bakinnyi PSG ibura igahandayika, gusa nkuko yakomeje kubitangaza ntiyigeze anyurwa n’imitoreze y’umutoza Unai Emery bityo akaba ashaka kuva muri iyi kipe yo mu murwa mukuru wa Paris. Amakuru dukesha ikinyamakuru l’Equipe cyo mu bufaransa aravuga ko ikipe ya Fc Barcelona yiteguye gutanga Miliyoni 100 z’amayero kuri uyu mutaliyani Marco Verrati kugirango imuvane i Paris, ndets n’umuvugizi w’uyu musore mu mategeko akaba yemeza ko umukiriya we yanyurwa bikomeye no kwerekeza mu ikipe ya Fc Barcelona aho yizeye kuzakina imikino myinshi ndetse agatwara n’ibikombe bikomeye byo ku mugabane w’iburayi. Uyu mukinnyi akaba ari umwe mu bakinnyi bazonze bikomeye ikipe ya Fc Barcelona mu mukino ubanza wa 4-0 ndetse nuwo kiwshyura nabwo akaba yarakomeje kwigaragaza bikomeye.