Elon Musk ntakiri umuherwe wa mbere ku isi bitewe n’igihombo gikabije yagize mu munsi umwe gusa.

Nyuma y’iminsi ine gusa yicaye ku ntebe y’umuherwe wa mbere ku isi, kuri ubu Elon Musk yamaze gusubira ku mwanya 2 nyuma y’igihombo yagize mu munsi umwe gusa.Nk’uko tubikesha urubuga Forbes, Elon Musk yamaze kuva ku mwanya wa mbere w’umuherwe ku Isi, nyuma yo guhomba mu munsi umwe agera kuri Miliyari 13.5 z’amadorali, ubu akaba atunze angana na Miliyari 176.2 z’amadorali – ibimushyira ku mwanya wa kabiri nyuma ya Jeff Bezos wamaze kwisubiza umwanya wa mbere.

Jeff Bezos nyiri Amazon, niwe uyoboye urutonde rw’umuherwe wa mbere ku Isi kugeza aka kanya nk’uko bishimangirwa na Forbes, atunze agera kuri Miliyari 182.1 z’amadorali, gusa nawe yahombye agera kuri Miliyari 3.6 z’amadorali ku mafaranga yari asanzwe atunze.

Jeffrey Preston Jorgensen (Jeff Bezos) yavukiye ahitwa Albuquerque, muri New Mexico ku ya 12 Mutarama 1964, umuhungu wa Jacklyn na Ted Jorgensen. Kuri ubu akaba arimo kwizihiza isabukuru y’imyaka 57 y’amavuko ari na we muherwe uyoboye abandi bose ku Isi mu butunzi.