simeon
Umunyana Shanitah wabaye igisonga cya mbere cya Nyampinga w’u Rwanda 2018, akaba na Miss supranational Rwanda 2019, niwe wegukanye irushanwa ry’ubwiza rya Miss East Africa ryaberaga muri Tanzania
Miss Shanitah yari ahatanye n’abandi bakobwa 16 baturutse mu bihugu bitandukanye birimo u Burundi, Tanzania, Uganda, Kenya, Zambia, Zimbabwe, Ibirwa bya Comores, Ethiopie, Sudani y’Epfo, Eritrea n’ibindi.
Nkuko byatambutse kuri Wasafi Media kuri Youtube Umunyana Shanitah niwe wegukanye iri kamba rya Miss East Africa 2021.
Miss Jolly Mutesi uri gutegura Miss East Africa yari n’umwe mu bari bagize akanama kemurampaka
Muri aya marushanwa Tanzania yari ihagarariwe na Queen Mugesi wabaye igisonga cya mbere cya Miss Tanzania 2019/2020, ndetse wanabaye igisonga cya mbere muri iyi Miss East Africa 2021.
Nyuma y’imyaka myinshi iri rushanwa ritaba Umunyana Shanitah niwe uryegukanye aho yahembwe imodoka nshya yo mu bwoko bwa Nissan Xtrail 2021 igura ibihumbi 44 $, angana na miliyoni 44 Frw. Uretse iyi modoka kandi Umunyana Shanitah azanagenerwa umushahara wa 1500 $, arenga 1.500.000 Frw buri kwezi.
Igisonga cya mbere cyahembwe 5000 $, arenga miliyoni 5 Frw, mu gihe igisonga cya kabiri cyahembwe 3000 $, arenga miliyoni 3 Frw.
Umunyana Shanitah yitabiriye amarushanwa atandukanye y’ubwiza arimo Miss Rwanda, Miss Supranational Rwanda yegukanye bigatuma ahagararira u Rwanda muri Miss Supranational International na Miss University Africa yegukanyemo ibihembo bitatu. yari amaze kumenyera aya marushanwa kuko yanabaye n’umwe mu bagize akanama nkemurampaka ka Miss Supranational Rwanda 2020.
