HARAGIRIMANA Dieudonne
Ikipe ya Atletico Madrid imaze gutangaza ko igiye gusesa amasezerano yayo yari ifitanye na Diego Costa ndetse bakazamureka akagenda muri Mutarama 2021 dore ko uyu mukinnyi yari yanze kwitabira imyitozo mu minsi ishize. Amasezerano yuyu mukinnyi akaba yagombaga kurangira kuwa 30 Kamena 2021 nkuko tubikesha Skysports.
Umwaka wa 2020 ntabwo wagendekeye neza uyu rutahizamu w’imyaka 32 nyuma yo kugira ikibazo cy’imvune cyatumye amara amezi hanze y’ikibuga.Costa yakomeje gushaka umwanya wo gukina ngo arebe ko yasubira mu bihe byiza yahoranye ariko biranga kuko Atletico Madrid yari yaraguze Luis Suarez ndetse waje yisanga mu ikipe bimwe mu byatumye Costa yifuza kuvanamo ake karenge.
Bibaye ku nshuro ya kabiri Diego Costa atandukana na Atletico Madrid nyuma yo kuvamo mu 2014 yerekeje muri Chelsea icyo gihe yari yarakiniye iyi kipe imikino 134 ayitsindira ibitego 64, Chelsea ayikinira imikino 89 ayitsindira ibitego 52 nyuma yaho agaruka muri Atletico Madrid ayikinira imikino 81 atsindamo ibitego 19.
