Zirakizwa na nde? Amakipe arimo Chelsea, Liverpool na Arsenal yagonganiye ku isoko ashaka inyenyeri y’ikipe ya Brighton and Hove Albion

Amakipe atatu akina Premier League ahanganiye umukinnyi w’ikipe ya Brighton and Hove Albion.
Amakipe arimo Chelsea, Arsenal na Liverpool ahanganiye ku isoko ashaka kwegukana umukinnyi witwa Moises Caicedo usanzwe ukina mu kibuga hagati mu ikipe ya Brighton and Hove Albion na yo ikina Premier League.

Amakuru dukesha ikinyamakuru The Sun aravuga ko nyuma y’uko ikipe ya Chelsea na Arsenal bidakunze ko zizana Enzo Fernandez zahise zose zihurira kuri Moises Caicedo wa Brighton.
Ikipe ya Arsenal irashaka gukomeza mu kibuga hagati hayo kuko ngo isanga Granit Xhaka na Thomas Partey badahagije bonyine , mu gihe n’ikipe ya Chelsea nyuma yo kuvunikisha N’Golo Kante bahuye n’ikibazo gikomeye cy’umukinnyi wabakinira mu kiguga hagati yu garira. Kuri Liverpool yo ngo ishaka ko mu mpeshyi y’uyu mwaka yazatandukana na Naby Keita , Alex-Oxlade Chamberlain na James Milner rero ikumva Caicedo bamubonye byatuma ikipe itazahungabana. Ariko andi makuru akavuga ko umutoza wa Brighton adashaka gutakaza Caicedo kuko ngo nyuma yo kureka Leandro Trossard werekeje muri Arsenal batareka na Caicedo ngo agende.

Moises Caicedo w’imyaka 21 y’amavuko ni umwe mu bakinnyi barigufasha ikipe ya Brighton kwitwara neza kuko ubu iri ku mwanya wa 6 muri Championa kandi na we ubwe akaba ahagaze neza ku gito cye. Caicedo ari ku mwanya wa gatanu mu bakinnyi bambuye imipira muri Championa uyu mwaka aho we ku giti cye yambuye imipira 52 abanje guserebeka ( tackles).