THIERRY Mugiraneza
Ikipe ya FC Barcelona itozwa na Xavi ikomeje gutsinda amakipe umusubirizo ibintu bihamya ko intekerezo za Xavi abakinnyi be bamaze kuzumva neza.
FC Barcelona mu ijoro rya keye yakinaga n’ikipe ya Real Sociedad mu mikino y’igikombe cy’umwami ( Copa de Ley) wari wabereye kuri Spotify Camp Nou. FC Barcelona byarangiye itsinze uyu mukino ku gitego kimwe cyatsinzwe na Ousmane Dembele ku munota wa 52 ahawe umupira n’umufaransa mwene wabo Jules Kounde.
FC Barcelona yaherukaga kugarika Real Madrid muri Arabia Saudite ku mukino wa nyuma w’igikombe kiruta ibindi cya Espagne ( Spanish Super Cup). Fc Barcelona ubu iyoboye urutonde rw’agateganyo rwa LaLiga n’amanota 44 ndetse ikaba imaze imikino 12 itazi ngo gutsindwa bimera bite , Barcelona iheruka gutsindwa mu kwa 10 na Bayern Munich ubwo yayitsindaga ibitego bitatu ku busa muri Champions League.
