Epaphrodite Nsengimana
Nyuma y’iminsi mike Chairman wa APR FC avuze ko ku bwabo babona ikipe ya Rayon Sports atari mukeba kubera ko nta hantu na hamwe bahuriye mu gutwara ibikombe by’imbere mu gihugu, byatumye Uwayezu Jean Fidèle uyobora Gikundiro nawe amusubiza.
Uwayezu Jean Fidèle, yavuze ko bubaka Rayon Sports bareba urwego Nyafurika, batarajwe ishinga n’ubukeba bwo mu Rwanda.
Yagize ati “Uwabivuze afite icyo yashakaga kugeraho, njye sinabyumvise. Icya ngombwa ni ugusobanukirwa icyo ubukeba ari cyo. Twe dukina umupira tugahura n’amakipe yose, hari abadutsinda, hari n’abo dutsinda n’iyo (APR) irimo”.
Yakomeje agira ati “Ntabwo dukeneye gushaka umukeba mu Rwanda, dufite icyerekezo kirekire. Uramutse utekereje ku ikipe ya hano ngo irusha izindi wasanga uri umuswa nka zo kuko mu mupira wacu ntaho twari twagera.”
