HARAGIRIMANA Dieudonne
Umukinnyi wa filime nyarwanda, Munezero Aline wamenyekanye cyane muri filime ya Bamenya yamaze gutangaza ko atakiri mu rukundo n’Abijuru Benjamin bahimba Bent, wamwambitse impeta mu minsi ishize ndetse bikaba byaravugwaga ko biteguye kubana akaramata.
Ni umuhango bakoze tariki 28 Kanama 2020 ,ndetse bikavugisha benshi bahamya ko iyi couple iberanye.Nyuma y’amezi asaga atanu ashize rero Bijoux yatangaje ko bamaze gutandukana. Ni mu kiganiro uyu mukobwa yagiranye na ISIMBI Tv kuri Youtube aho yavuze ko magingo aya yamaze guhindura umukunzi gusa ntiyeruye ngo avuge uwo bari kumwe mu rukundo dore ko yari yambaye indi mpeta.
Bijoux avuga ko yasanze ataryohewe n’urukundo rw’uwari wamwambitse impeta maze ahitamo kumureka,yavuze ko bamwe bashobora gukeka ko ibyamamare bitagira urukundo ruhamye ati “ariko ntakintu umuntu ashobora gukora ngo gishimishe bose “,Ndabizi abafana bashobora kunyibasira ariko ntakundi nabigenza ukuri mfite ni uko ntakiri kumwe na fiancé wanjye”
Kurikirana ikiganiro kirambuye Bijoux yagiranye na ISIMBI TV ukanz3 kuri iyi videwo hasi hano:
