Umutoza w’ikipe y’igihugu ya Tanzania iri mu gikombe cy’Afurika, CAF yamwirukanye muri iri rushanwa atoje umukino umwe gusa

Umutoza w’Ikipe y’Igihugu ya Tanzania yirukaniwe mu mikino y’Igikombe cy’Afurika azira amagambo yatangaje.

Adel Amrouche uri gutoza Tanzania, yirukanwe muri AFCON nyuma y’amagambo yatangaje ko Morocco igena igikorwa mu mupira wa Afurika, CAF imuhanisha kumara imikino 8 adatoza.

Ni amagambo yatangaje nyuma y’umukino Morocco yabatsinzemo ibitego 3-0. Yahise anahagarikwa n’Ishyirahamwe rya ruhago muri Tanzania (TFF).