Umusore n’umukobwa bakundana bakatiwe gufungwa imyaka 10 bazira ibyo bakoreye mu muhanda

Umukobwa witwa Astiyazh Haghighi w’imyaka 21 n’umusore bakundana witwa Mohammad Ahmad w’imyaka 22 bakatiwe n’urukiko rwa  Tehran  mu gihugu cya Iran bazira kubyinira mu muhanda.

 France 24 dukesha iy’inkuru ivuga ko ngo aba bombi bifashe amashusho barikubyina ibyino z’urukundo  begeranye imbere y’inyubako ndende ya Azadi iherereye  mu mujyi wa Tehran , kandi mu busanzwe bitemewe ko umukobwa cyangwa umugore muri iki gihugu abyinira mu ruhame.

Ikindi cyaha bakoze ngo ni uko uyu mukobwa yabyinnye nta gitambaro cyo mu mutwe cy’abayisilamu (Headscarf) yambaye kandi mu busanzwe ari ikintu kiziririzwa cyane muri iki gihugu kigendera ku mahame y’idini ya Islam.

Ibi byaha bikaba byatumye bakatirwa gufungwa imyaka igera ku 10 bari muri gereza , umukobwa akaba azafungirwa muri gereza y’abakobwa yitwa  Qarchak iri hanze y’umujyi wa Tehran ,

Ikindi gihano bahawe ni uko batemerewe kurenga igihugu cyabo ngo bajye mu mahanga , ndetse ntibemerewe no gukoresha internet .