Aphrodis Nizeyimana
Umuhanzi w’umuraperi Danny Nanone wagarutse mu muziki nyuma y’igihe kirekire adakora indirimbo ubu akaba yarasohoye iyitwa Nasara ntiyemeranya na mugenzi we Riderman uvuga ko radio zidakina injyana ya rapu.
Danny avuga ko we atemeranya na Riderman ndetse nabandi ba raperi bavuga ko radio na televiziyo zo mu Rwanda zidakina injyana ya rapu.
Uyu muhanzi akomeza avuga ko igihe cyose aba raperi bakoze indirimbo nziza ziri ku rwego rwo hejuru ntacyabuza radio ndetse na televiziyo zo mu Rwanda gukina indirimbo zabo.
Yabajijwe n’umunyamakuru wa Izuba TV witwa Freddy kubijyana no kuba injyana ya rapu yarasubiye inyuma maze amusubiza ko byahozeho kuko na kera.
Ati:”wasangaga Jay Polly, Dull Dog n’abandi ba raperi bari mbere cyane ariko ugasanga nubundi Meddy na The Ben nabo baraho hafi.”
Kuri Danny Nanone we abona nubundi injyana ya rapu izongera ikazamura igikundiro nkuko byahoze mu bihe byashize .
