Umunyarwandakazi yagaragarije umuraperi Gravity Omutujju urukundo rudasanzwe

Umunyarwandakazi uzwi ku mazina ya Esther RUBERA, akaba ari numwe mu banyarwandakazi bamaze kumenyekana cyane muri muzika hano mu Rwanda kuva aho yinjiriye mu bikorwa bya management aho kugeza ubu anafite label ayobora ariyo ya ONE MORE MUSIC yatangaje abantu bitewe n’ukuntu akunda umuhanzi w’umuraperi Gravity Omutujju, umwe mu bahanzi b’abaraperi bakomeye cyane mu gihugu cya Uganda.

Nkuko Esther abyivugira mu magambo ye bwite avuga ko akunda cyane uyu muraperi kubera uburyo aririmba ndetse nuko abana neza n’abantu. Esther kandi yagaragaye yifotorayije n’uyu muraperi.

Esther yakomeje atangaza kandi ko ari umufana ukomeye wuyu muraperi ndetse anavuga ko bitewe n’ukuntu amufana bikomeye, ashobora no kuva mu mujyi wa Kigali (aho atuye) akajya mu gitaramo cye aho cyabera hose kugirango akomeze kumugaragariza urukundo.

Uyu muraperi Gravity Omutujju aherutse gushyira ahagaragara amashusho y’indirimbo yitwa NDOWOZAYO yakoranye na Chosen Blood, iyi ikaba ikomeje kubica bigacika hariya mu gihugu cya Uganda.