HARAGIRIMANA Dieudonne
Umwe mu banyamideli bazwi mu Rwanda Isimbi Vestine wamamaye mu mideli nka Isimbi Model, yahawe n’umugabo we Shaul Hatzir impano y’imodoka yo mu bwoko bwa Range Rover Evoque, ku isabukuru ye y’amavuko.
Abinyujije ku rukuta rwe rwa Instagram, Isimbi yatangaje ko anejejwe no kuba umugabo we yamuhaye imodoka, nk’impano yo ku isabukuru ye.
Ati “Imana ihe umugisha umugabo wanjye kubera ko ahora aharanira icyanshimisha kandi azi neza ibyo nkunda. Impano y’isabukuru.”
Ntabwo Isimbi agaragaza umwaka imodoka yahawe yasohokeyemo, gusa igiciro cya Range Rover Evoque kibarirwa muri miliyoni 46Frw.
